منتدى سماء الروح
أهلا وسهلا بيك في منتدانا سماء الروح
سلام يسوع معك..نتمنى لك وقتًا مباركًا معنا ..ويسرنا أنضمامك
معنا قي أسرة يسوع المسيح ، ونكون يدًا واحدةً لمجد الله...بشفاعة العذراء
مريم وجميع مصاف القديسين....أمين

صلوا من أجلي......مايكل وليم


موقع مسيحي قبطي كاثوليكي متميز يحمل موضوعات هامة في مجالات متعددة...إدارة/ مايكل وليم
 
الرئيسيةاهم الموضوعاتمكتبة الصورالتسجيلدخول
أخي الزائر/ العضو....لا تنسى أن محبة الله لك أقوى من ضعف أو أي خطيئة ، لذلك فلا تنظر إلى خطاياك وضعفك بل أنظر دائما ليسوع ، لأن النظر ليسوع يرفع فوق الضعف والخطيئة ويمنح القوة والنعمة والبركة . لذلك فليكن النظر الدائم ليسوع هو شعار حياتنا ، لنتحد دائمًا به ونثبت فيه ونكون بالحقيقة تلاميذه لا بالكلام ولا باللسان بل بالعمل والحق والمحبة العملية والخدمة الصادقة المجانية والصلاة الملتهبة بأشواق محبة الله واللقاء المستمر مع يسوع في الإفخارستيا...
بحـث
 
 

نتائج البحث
 
Rechercher بحث متقدم
المواضيع الأخيرة
» كيفية تجنب الأعتذارات والتعلل عن الخطية
السبت يونيو 09, 2012 7:41 am من طرف المدير العام

» الخطية والرجوع الى الله
السبت يونيو 09, 2012 7:39 am من طرف المدير العام

» العذراء فى القداس
الخميس أبريل 19, 2012 4:08 am من طرف Abanob Youseef

» سيرة المعلم بولس الرسول
الخميس أبريل 19, 2012 4:04 am من طرف Abanob Youseef

» لعبة السيارة المدمرة
الخميس أبريل 19, 2012 3:58 am من طرف Abanob Youseef

» حوار مع الله
الجمعة فبراير 10, 2012 7:38 pm من طرف Abanob Youseef

» اليوم الروحى الناجح للشباب
الجمعة فبراير 10, 2012 6:42 pm من طرف Abanob Youseef

» تعالوا نشوف ما كتب عن عظمة العذراء مريم
الجمعة فبراير 10, 2012 7:13 am من طرف المدير العام

» المسبحة الوردية
الثلاثاء يناير 24, 2012 8:06 am من طرف sausan


شاطر | 
 

 نص مسرحية مع من اجد السعادة

اذهب الى الأسفل 
كاتب الموضوعرسالة
المدير العام
Admin
Admin
avatar

عدد الرسائل : 965
العمر : 31
المزاج : نشكر الله
نقاط : 1644
تاريخ التسجيل : 10/03/2009

مُساهمةموضوع: نص مسرحية مع من اجد السعادة   الخميس أبريل 23, 2009 4:30 am

[b][size=24]مسرحية مع من اجد السعادة

(يفتح الستار و يدخل بيسو بكامل اناقته ويقف فى وسط المسرح ويوجه كلماته للجمهور )
بيسو: يا اهلا بيكم ها اقدملكم نفسى -- انا – انا عارفكم كلكم كويس – عارف كل واحد فيكم بيفكر فى ايه وعاوز ايه بالتفصيل – على فكرة – ناس كتير من الموجودين هنا معاكم يعرفونى معرفة شخصية – من كتر الخدمات اللى عملتها معاهم – يعن صحبتى الى هناك دى وجوزها اللى الترقية كانت حتروح منه علشان اسمه ملخبط كده – انا سهلت له اموره –دفع رشوة – والموضوع مشى زى الفل وبقى استاز فى الرشاوى ---- ولا الزوج اللى قاعد هناك ده --- لا انت مكانك مش هنا –شاطر – ايوه اخرج – الاستاز ده انا خدمته خدمه كبيرة طلقته من مراته وجوزته واحده عندها 16 سنة وعايش شباب من جديد بعد ما ساب القديمة
نسيت اقول لكم فى مجموعة صغيرة اول مرة تشوفنى –ذى العيلة اللى انا حروح لها دلوقتى ---كل ما احاول اوقعها فى مشكلة –تنتصر علىً مع انى عامل اوكازيون لا يقاوم --- خدمات كامله اى عيلة عايزه لبن الكتكوت هجبهولها –مفيش عندى طريق ضيق ولا طريق صعب انا طريقى كله ورود مفهاش اشواك اوعوا تقولوا بيسو مغرور اوعوا تقولوا بيسو كداب ---فى ناس وسطيكم مساعدين شاطرين ليا مع بيسوا كلكم هتهيصوا --- تعالوا معيا وانتم يا اصحابى سعدونى

المشهد الاول
( يفتح الستار على غرفة المعيشه )
جوى : ياترى يا سعيد اتاخرت ليه – يارب جيبه بالسلامه وحافظ عليه -- بس ان واخده على خاطرى منك – ده النهارده عيد جوازنا – اذاى تتاخر كده – 11 سنه فاتو هوا – مش عارفه ليه انا حاسه انى ظلماك – ايوه صح --- تلاقيه محتار فى الهديه اللى حيجبهالى – سلامتك من الحيره يا حبيبى – تلاقيه عايز يجبلى اغلا حاجه ---- واو --- صحيح حتة مفاجئه لو جابلى العربيه المرسيدس اللى شفتها امبارح فى المسلسل وعجبتنى – بس دى غاليه وهوا معهوش ربع تمنها – لا هو علشان مراته حببته ممكن يتصرف – ده هوا الشمعه اللى بتنور حياتى عينيا اللى بشوف بيها هو سعادتى واحساسى اللى عايشه بيه ---
هى لوغاليه شويه ممكن يعدى على الجواهرجى علشان الخاتم السوليتير اللى شوفته مع زيزى صحبتى – ايه يعنى 50 الف فى مناسبه زى دى ده تملى ابونا فى اعياد الزواج بيسال الزوج انت جبت لمراتك هديه ولا ايه
بس بس انا سامعه المفتاح فى الباب -- حاسه خلاص طايرة فى السما – اغدخل تعالا ياحبيبى
(يدخل سعيد وهو يتكلم فى الموبايل بصوت عالى وبغضب )
سعيد : ايوه يا اخويا – ماهيه ناقصك انت كمان -- بقول لك مش جاى – عملت ايه عملت نصيبه – ايوه باظط – مش نافعه تانى – انت ما بتفهمش – الغى الجتماع مش هقدر اجى يوه هو انا فايقلك
(يقفل التليفون بينما صوت بيسو من الخاغرج يقول )
بيسو ايوه يا بيسو كمل ولعها
جوى : حمد الله على سلامتك --- انا انشغلت عليك --- اتاخرت كده ليه
سعيد : يوه ده باين عليه يوم مطلعتلوش شمس النهارده – انا اسطبحت بوش مين –علشان يحصلى كل ده
جوى : مالك يا حبيبى متنرفز ليه – انا بس كنت قلقانه عليك
سعيد : ادينى قدامك اهو----سليم ليا عشر صوابع وعنين ---- انا عارف اليوم باين من اوله
جوى : انا عارفه كمان ان النهارده يوم مش ذى اى يوم
سعيد : اللـه – عرفتى اذاى
جوى : هو انا يعنى من امتى نسيت ده انا بستنى اليوم ده بفارغ الصبر
سعيد : ايه بتقولى بتستنيه
جوى : طبعا بستناه – وحاسه – وانا احساسى ميخيبش ابدا انك هطلع مفاتيح العربيه من جيبك
سعيد : مفاتيح ( يضحك بسخريه ) مفاتيح العربيه اخدها الميكانيكى
جوى : يا حبيبى انا عايزاها زى مهيا –قوام بعتها تحط فيها شوية اكسسوارات
سعيد : ذى ما هى ايه واكسسوارات ايه –العربيه خلاص مابقتش نافعه
جوى : هى لحقت ده انت لسه مشتريها
سعيد : ايه التخاريف دى – دى العربيه اللى مشتريها من عشر سنين عملت بيها حادثه
جوى : هو انت كل ده بتتكلم على عربيتك القديمه (تتكلم بصوت منخفض ) ما هو يمكن جابلى الخاتم --- سعيد هو انت عديت على الجواهرجى النهارده
سعيد : جواهرجى ايه –وبتاع ايه اللى اعدى عليه – وليه
جوى : ليه هو النهارده مبيفكركش بحاجه
سعيد : طبعا بيفكرنى بالعربيه اللى باظط
جوى : لا ياحبيبى مبيفكركش بحاجه تانيه
سعيد : ايوه تذكار وفاة جدو
جوى : معقول يا سعيد تنسى عيد جوازنا
سعيد : وانا بقول النحس اللى حصل النهارده ده من ايه
جوى : بتقول على عيد جوازنا نحس – هو ايه انا نحس عليك
سعيد : بصراحه ايوه –من ساعة ما اتجوزت وانتى نحس عليا –مفيش عيد جواز يمر غير لمايحصل فيه نصيبه
من ساعة ما اتجوزتك وانا فى النازل – واديكى شايفه مصيبة السنه دى
جوى : حرام عليك متقتلش حبنا
سعيد : ها هاى – حبنا –حبنا انتقل الى الرفيق الاعلى بقاله 11 سنة
جوى : فين كلامك الحلو اللى كنت بتقولهولى
سعيد : مغفل – لا مش مغفل -- انا كنت اكبر مغفل
جوى : وان قال مشغوله عليك – قاعده مستنياك – علشان افرجك فستانى وتسريحة شعرى وجايبه تورته وشمعتين
سعيد : ايه حركات العيال دى – انت مكبرتيش على الحكايه دى[/size][/b]

_________________
[b]لا تبحثوا عنه بعيداً فقد ولد بيننا [/b]
https://i.servimg.com/u/f86/13/66/53/74/mary3110.gif[img][/img][url]
الرجوع الى أعلى الصفحة اذهب الى الأسفل
http://michael2011.ahlamontada.com
المدير العام
Admin
Admin
avatar

عدد الرسائل : 965
العمر : 31
المزاج : نشكر الله
نقاط : 1644
تاريخ التسجيل : 10/03/2009

مُساهمةموضوع: 2   الخميس أبريل 23, 2009 4:31 am

[b][size=24]جوى : ان كل همى اسعدك
سعيد : وان كل همى فى العربيه الى باظت
جوي: فداك بكره تتعوض
سعيد : معاكى مفيش حاجه حتتعوض
جوى : ايه الكلام اللى بتقوله ده كفايه –ده بدل ما تقول كلمتين حلوين وتاخدنى فى مكان هادى
سعيد : (بصوت منخفض ) مش انا اللى باخد ده ربنا --- هو فيه واحد متجوز بقاله 11 سنه يقعد فى مكان هادى – كلامك ده مش كلام ناس عقلين
جوى : انت كده بتموت احاسيسى ومشاعرى
سعيد : لو انت عندك ذرة مشاعر ( صوت بيسو شد شد حيلك ) او عندك شويةاحساس –اخلعينى
جوى : ايه النغمه الجديده دى
سعيد : فوقى بقه من الغيبوبه اللى انت فيها –اتحداكى لو طلعتيلى واحد من اللى قاعدين – وعدى عليه 11 شهر جواز مش 11سنه ويكون عنده حاحه من اللى بتقولى عليها دى
جوى : اللـه يسامحك
سعيد : لازم تفهمى ان الحب والمشاعر حاجه –والجواز حاجه تانيه -- الكلام ده بح خلاص (بصوت عالى ) قال مشاعر قال –اف – خنقتينى ان سايبلك الدنيا وداخل انام
( صوت بيسو وهى جالسه حزينه )
بيسو : شفتى مش بيحبك –خلاص هو اعترف ان حبك حوا قلبه انتهى
جوى :ايوه صحيح هو بقاش يحبنى – كفايه اللى عمله النهارده
بيسو : ده مش عايز زوجه --- ده عايز خدامه –ويوم ما تقصرى ياويلك
جوى : يعنى الفلبينيه اللى هو ان ح تقطع نفسها
ببيسو :هو مابيساعدش فى البيت وكمان ميقولش كلمه حلوه --- فى حد ينسى عيد جوازه –لا لا لا – الكتاب بيقول كونى معينا نظيرا ليه –مش كل حاجه عليكى
جوى : ده حتى ورده ناشفه مدخلش عليا بيها
بيسو : دايما سادد نفسك يا مسكينه – يا غلبانه – ده حتى مهانش عليه خاتم صفيح او حتى عربيه لعبه – اصغر حاجه كانت حترضيكى
جوى : ايوه انا مش لازم اسكت –مش لازم اسكت على كده
بيسو : مكتوب كن حنونا عليها واسرع الى ما يسر قلبها –انا لو منك
جوى : مكلموش ولا اعبره اسيبه يخبط راسه فى الحيط – انا مش حدخل اصحيه ىايوه لازم يكون عندى شخصيه ولازم يكون عندى كرامه
بيسو : عامل نفسه ملاك –امال لو عدى عليكم 30 سنه زواج ذى مامتك وبباباكى –حيعمل فيكى ايه
جوى : ده عايزنى اخلعه – لا دنا هلخلخه لغاية ما يقول حقى برقبتى
(تخرخ جوى ذاهبه الى المطبخ بينما يدخل سعيد على صوت جرس التليفون )
سعيد : هيا راحت فين مش سامعه التليفون –الواحد ذهق من العيشه دى من اول الصبح نكد فى نكد --- الو – مين
اهلا يا ماما – نعم – كنا فى الغردقه بفسحها – اه طبعا انبسطنا – عايزه تشوفينا (يبعد التليفون )جوى بعد اللى حصل مش حتروح __ (فى التليفون ) بصى – هاتى بابا وتعالى – عازمين نفسكم على الغدا ياسلام --- (تدخل جوى ) تنوروا
جوى : هم مين اللى ينوروا – النور عندنا كفايه
سعيد : ( بصوت منخفض ) اعدل نفسك يا سعيد وامسك اعصابك ---يا جوى يا حببتى ماما وبابا عزمين نفسهم على الغدا بكره
جوى : ايه بتقول ايه حببتى – سمعنى كويس انا مسمعتهاش --- طبعا فيه مصلحه
سعيد : ( بصوت منخفض –امسك اعصابك ) يا جوى يا حببتى ماما بتموت فى اكلك
جوى : مهىى اكلت قبل كده ومجرلهاش حاجه
سعيد : ها ها – هزارك زى العسل
جوى : عايزنى اخلعك اه – مفيش هدية عبد جواز اه – ذهقت من العيشه
سعيد : دى نكته وانتى مسمعتهاش كويس
جوى : طيب انا ها اسمعهالك – شوف بما انك فاجئتنى كده – بلاش شغل بكره – ان مش عرفه فى يوم هعمل فيه ايه –انت زنقتنى
سعيد : الموضوع كله فردين –ومش كل يوم بيجوا يتغدوا
جوى : ليه نسيت نفسك وولادك الاتنين – ايه حنتفرج عليهم – انا حطبخ لستة افراد—شوف اعمل حسابك انا مش هذاكر للولاد
سعيد : خلاص يا حببتى انا مسئول عن مذاكرتهم
جوى : ايه الرقه دى اللى نزلت عليك – طبعا دلوقتى تذاكرلهم علشان عيون ما ما – لكن لما اطلب منك انا – تتهرب معلش – المهم انت عيزنى اطبخلهم ايه
سعيد : اكل خطير اى حاجه من ايديكى روعه
جوى : انا مش هفكر كمان فى اصناف الاكل هما مش باباك ومامتك – وعارف هما بيحبوا ياكلوا ايه
سعيد : انا نفسى تطبخلهم ( رز بالخلطه – وكباب حله وصنية كوسه باشاميل لبابا ومتنسيش الديك الرومى )
جوى : يعنى انت موضب كل حاجه – شوف هات ورقه وقلم واكتب الحاجه الى انت هتشتريها من السوق انا مش فاضيه انزل
سعيد ان نازل المكتب وان راجع هشترى كل حاجه
جوى : انا داخله اكتبهم –ما انت مش هتعرف الورقه والقلم فيين
(تدخل لاحضار الورقه بينما بيسو يكلم سعيد )
بيسو : ايه الزل اللى زلهولك مراتك ده – انت صابر على الزل ده كله ازاى
سعيد مضطر لغاية لما الزياره تعدى – وبعدين ليا تصرف تانى معاها
بيسو : راجل ينزل يشترى الخضار من السوق فين بقى الكلام المكتوب ان الرجل راس المراة
الزوج : انتهى العصر ده –دلوقتى الرجل خاتم فى صباع المراة --- بس انا مش هسكت هما يومين
بيسو : هومش فيه وصيه بتقول تستقبليه بالبشاشه والترحاب
سعيد :انقلبت بقية استقبليه بالشباشب والقبقاب --- بس انا برضو مالى مركزى
بيسو : لازم تكون سى ابراهيم
سعيد : ايوه سى ابراهيم
(تدخل انجوى وبصوت عالى يفزعه )
جوى : انت سرحان فى ايه
سعيد ابدا ابدا – انا كنت بفكر فيكى
جوى : خد الورقه اهيه – قوم روح شغلك – خلينى اجهز لحفل مراسم استقبال ماما وبا با
سعيد : الصبر يارب – هاتى مش ناسيه حاجه
جوى : انت مش معاك المويايل – ما تبقاش تقفله – طبعل هو مش هيتقفل دلوقتى – لو احتاجت حاجه حتصل بيك
( يخرج سعيد )
جوى : شوف يا سعيد –انا حطبخ طبيخ يخلى مامتك وباباك يتقلبوا عليك – استنى عليا يا سى سعيد --- عايزنى اخلعك طيب – انا حشخلعك
ينتهى الفصل الاول[/size][/b]

_________________
[b]لا تبحثوا عنه بعيداً فقد ولد بيننا [/b]
https://i.servimg.com/u/f86/13/66/53/74/mary3110.gif[img][/img][url]
الرجوع الى أعلى الصفحة اذهب الى الأسفل
http://michael2011.ahlamontada.com
المدير العام
Admin
Admin
avatar

عدد الرسائل : 965
العمر : 31
المزاج : نشكر الله
نقاط : 1644
تاريخ التسجيل : 10/03/2009

مُساهمةموضوع: الفصل الثانى   الخميس أبريل 23, 2009 4:32 am

[b][size=18]الفصل الثانى من مسرحية(مع من اجدالسعادة)
(يفتح الستار على حجرة مكتب وزملاء سعيد هانى وجرجس جالسين ويدخل سعيد )
سعيد : سلام يا جماعه
جرجس : ايه يا باشمهندس اللى اخرك – خير
هانى : انت مش متعود تتاخر ده انت دايما بتيجى قبلنا
سعيد : 11 سنه جواز طلعو قونطه فى قونطه
جرجس : لا لا انت مش طبيعى النهارده في ايه
سعيد : زوجه مكشره دايما --- بتستغل الظروف وتزل جوزها --- واولاد شياطين --- وهم وغم عرفت فيه ايه
هانى : الحمد للــه – انا بيتى جنه سعاده دائمه – كل حاجه فيه بتنطق من السعاده والجمال – زوجه رائعه لالا اكتر من رائعه يا محترم ان مراتى متعلمه فى مدرسة امنا ساره مرات ابونا ابراهيم
جرجس : يا سيدى يا بختك امسك الخشب
هانى : شوف يا باشمهندس ان زوجتى تستقبلنى بابتسامه ولطف بمجرد ما افتح الباب – وحوليها طفلين ملايكه يطيروا عليك ويترموا فى حضنك
سعيد : كفايه يابنى متحصرناش – شوفوا الورقه دى فيها ايه --- فيها طلبات السوق
جرجس وانت من امتى بتشترى حاجه من السوق
سعيد : مجبر اخاك لا بطل – سياسه الامر الواقع
هانى : حكم القوى يعنى
سعيد لا ده استغلال للظروف
( يسمع سعيد جرس الموباليل )
سعيد : الو
جوى : اسمع يا سعيد اعمل حسابك فى غدا جاهز النهارده – انا مش فاضيه انا مشغوله بتحضير غدا حماتى وحمايا –
معنديش وقت اجهز غدايين
سعيد : حاضر (يضع الموبايل ) ده الفرمان رقم واحد من الباب العالى
جرجس : هو فيه ايه – انت مش طبيعى
سعيد : امى وابويا هما السبب --- لولاهم لكنت مشيت فى نظام سى ابراهيم – معلش اعزرونى يا جماعه – خلاص انا اعصابى تعبانه
جرجس : يا عم انت فى رحمه دى سحابه وحتعدى – امل ان اعمل ايه – اقربها امبارح
هانى قول –سمعنا مغامراتك
جرجس : وصلت البيت بعد ما خلصت شغل – دخلت المفتاح فى الباب – انه يفتح ما فتحش – اتارى السيده الملعونه مراتى مدخله المفتاح بتاعها من الناحيه التانيه – يعنى بصراحه انا ومفتاحى ملناش لازمه
سعيد : وايه يعنى متضرب الجرس
جرجس : صدقنى – ربع ساعه وانا صباعى على الجرس – ان حد يفتح – لاصوت ولا حياة لمن يهاتى --- واخيرا اكتشفت ان الجرس ما بيطلعش صوت ولا صوره
هانى : ها هاى –الجرس محروق
جرجس : عرفت بعد كده ان القرده الصغيره بنتى كانت حرقاه – المهم خلعت اللى فى رجلى وهات على الباب لما اكرته ورمت
سعيد : وكل ده ومحدش فتحلك الباب
جرجس المقروده الصغيره فتحت الباب اخيرا وجريت عليا هربانه من امها – لقيت مراتى طايره وراها – واسلحة رجل جو طايره على البنت – وريحة توم وبصل وريحه مش عارفها خارجه منها وايد ذى المرذبه متجهه ناحية البنت --- والولد قاعد يشجع امه
هانى : ماحولتش تتدخل وترحم بنتك
جرجس : ايوااااا -- عايز سلاح من اسلحتها يصبنى __ انا دخلت من سكات وقفلت باب القوضه عليا -- لغاية ما حرب المغول انتهت --- وعادت الجيوش المنتصره بقيادة زوجتى – ونواح القرده الصغيره يزعج الحى كله
( يضرب جرس موبايل سعيد )
سعيد : الفرمان رقم 2 الوه – ايوه خير
جوى : الحقنى الحقنى يا سعيد
سعيد : ايه البيت ولع
جوى : مفيش زيت – ومكتبتوش فى اللسته – لاعايزه زيت قلى حالا – خد اذن من الشغل عوزاه بسرعه فاهم
سعيد : معلش ظرف طارىء جدا ولازم اخد اذن
هانى : خير
سعيد انا ماشى وكتبلى ازن من فضلك
(يدق جرس الموبايل )
ده الفرمان رقم 3 س
سعيد : ايوه انا اخدت اذن ونازل حالا
جوى : ايه ده الازونات خرجت من الدرج يعنى – ده علشان خاطر مين – لو كان حد من ولادك سخن وطلبت منك تاخد ادن كنت طلعت عنيا --- اسمع نقى الفاكهه كويس انا عايزو فاكهه مش عصير فواكه
سعيد :سلام يا جماعه انا ماشى
جرجس : استنى طمنا –عملت ايه فى موضع المشروع المكتوب فى الجرنال
سعيد : ربنا يسهل
هانى مشروع ايه ده
سعيد : مشروع ممتاز طالبين تصميم هندسى لمدينه العاب ترفيهيه للاطفال --مدينه متكامله وصاحب افضل تصميم يحصل على مكافئه نص مليون جنيه وحيكون استشارى المشروع
جرجس : انت يا باشمهندس ملك التصميمات – انت اشتريت الكراسه
سعيد : اسكت عملت ارجوز لما جمعت 120 الف جنيه ثمن كراسة الشروط والتامين اخدت فلوس لبيت وشوية حاجات
من ورا مراتى اسيبكم الحق اود المطلوب
(يخرج سعيد )
هانى : سعيد ده عبقرى تفتكر لو صمم المشروع ممكن يكسب
جرجس : متهيالى فى جو بيته المولع ده مش ممكن يفوز
هانى : انا متهيالى ان مراته حتخليه يرجع الكراسه ويسحب الفلوس
جرجس : مش لو عرفت – دى بنت من بنات حوا ء --- تعملها دى امها خرجت ادم من الجنه
المشهد الثانى
(يفتح الستار على منزل سعيد ويسمع صوت جرس الباب وتذهب جوى لتفتح الباب لتدخل دينا وزيزى )
جوى : اهلا وسهلا اتفضلوا -- تعلى من هنا
زيزى : اذيك يا حببتى – ايه –فينك مجتيش امبارح الشغل وكمان النهارده ---تليفونات مقطوعه – موبيل مغلق
( يهمس بيسو فى ودنها --- عيد جوازها )
زيزى : طبعا عيد جوازك – ليله ولا الف ليله – هديه وشوع وجو رومانسى ابتسامات – ده ريحت الاكل باينه اهيا
دينا : ايوه ياجميل – قومى هاتى الهديه اللى جابهالك جوزك
جوى : هديه – اه – جابلى هديه حلوه خالص – واحده فى الستين وواحد فى السبعين – طبعا عارفين هما مين
زيزى : ايه دى –دى فزوره –
دينا : مين حماتك وحماكى
( يهمس بيسو – يلا يا زيزى يا صحبتى ولعيها شويه )
زيزى : اوه – ده بدل ما يفسحك وياخدك شرم ولا حتى فندق – لا لا ملوش لاحق – وايه الحموات اللى يعكننوا دول
دينا : حرام عليكى دى الحموات امهات – والجنه تحت اقدام الامهات
زيزى : اسكتى انت متعرفيش حاجه اذا كانت الجنه تحت اقدام الامهات – فجهنم تحت اقدام الحموات
دينا : كلامك صعب يا زيزى
زيزى :شوفى ياحببتى – ربنا خلق الامهات –والشيطان خلق الحموات - اسكتى مش انا قطعت ديل شيتوس الكلب بتاعى
دينا : ليه
زيزى : علشان لما تيجى حماتى عند ميهزلهاش ديله
جوى : لما اقوم اعلكم قهوه
زيزى : ايوه كده – هو حماتك وحماكى حيعكننوا على اصحابك تعالى نشرب القهوه واحنا مش هنسيبك –حنقوم نساعدك –
دينا احنا ما ورناش حاجه
( تخرج جوى لعمل القهوه )
زيزى : دصدقى حلنا احسن من حالها – قال حسدنها قال –على ايه
دينا : الحمد للـه انا جوزى مقطوع من شجره – لعنده ماما ولا بابا
زيزى : بس –بس – جوى جايبه القهوه
( تدخل جوى ومعها فناجين القهوه )
جوى : شوية قهوه انما مضبوطين
( بيسو –اتجدعنى يا زيزى الفنجان ده لعبتك انا معاكى )
زيزى : اشربى الفنجان يا جوى وهات اشفهولك – انت عارفه كلام زيزى ما ينزلش الارض ابدا
جوى : فنجان ايه يا زيزى انا مبصدقش الكلام ده – ده كله تخاريف
دينا : لا ملكيش حق --- زيزى ما بتعرفش – لا متقوليش كده – فاكره لما شافت لى الفنجان – وقالتلى فنجانك فيه خبر حلو حيفرحك
جوى : وكان ايه الخبر ده
دينا : لا لا انتم بتنسوا – جوزى كان مشتريلى الخاتم وشايله وتانى يوم من قرايت فنجانك – كان الخاتم فى صباعك
زيزى : عيب يا حببتى –دنا زيزى زيزى والاجر على اللـه – دنا محدش قال على فنجانى تخاريف – كل كلمه فيه بتتحقق
جوى : طيب خدى ورينى شطارتك
زيزى : ( تقلب الفنجان وترجه ) بصى يا حببتى – اتنين على مراوح قلبك قاعدين – وعلى نفسك كاتمين – والست اللى فيهم عدت الستين – وبعد نقطه او نقطتين جايين
جوى : قديمه – دول حماتى وحمايا – وانت عارفه العبى غيرها
دينا : استنى يا جوى – كملى ايه موجود فى الفنجان
زيزى : بصوا ( تشاور ) ادى حماتك اللى حاجبها نازل تحت عنيها – وادى حماك شوفى قاعدين ازاى
( تنظر جوى ودينا ) دينا كلامك صح يا زيزى
جوى : طيب كملى
( بيسو: -- يللا يا جميل –قولى الخبر المتين – اللى حيخلينى انا واصحابى فرحنين )
زيزى : يا خبر – ايه اللى شايفاه فى الفنجان ده – ايه ده – مراجيح ولا حاجه زى الملاهى
جوى : ايه سعيد حيفسحنى فى الملاهى
زيزى : لا لا دى حاجه بيعملها جوزك من وراكى – بصى مديكى ظهره ازاى
جوى : ( بخوف ) من ورايا – لا قولى حاجه تانيه تتصدق
زيزى :: جوزك ساحب فلوس كتير من البنك – وبيخطط لحاجه خطيره
جوى : وقعتى قلبى شوفيلى حيعمل ايه
زيزى : ( تقلب فى الفنجان ) لا ده هو- قلبه واقع فى رجليه -- خايف من العمله اللى عاملها -- - بصى – جوزك داخل مشروع من ورراكى – وش معرفك – اسمعى اللى بقولك عليه – الموضوع ده فى سحابه سوده – فى ايد جوزك يبعدها لو معملش كده المشروع هيبوظ وجوزك هيروح فشوش
دينا : ايه ده – احنا كنا فاكرين انك انت وجوزك مبتخبوش حاجه على بعض
جوى : استنوا انا حدخل اشوف دفتر البنك بتاعه -- لا مش معقول
( تخرج جوى )
زيزى : انا لو جوزى عمل معايا كده كتن ............. ولا بلاش
دينا : اه لو كلامك طلع غلط
زيزى : عيب دنا زيزى
دينا : بس بس جوى جايه وشها مقلوب – كفايه لحسن البيت ولع
( بيسو ___ ولسه – فاضل على الحلوين دقه –هاهاهاهاى )
تدخل جوى
جوى : ايوه كلامك طلع صح يا زيزى
( تهمس دينا لزيزى يلا بينا لحسن الجو اتكهرب )
زيزى : اقوم ان لحسن افتكرت انى مديا معاد ولازم الحقه –اسيبك معلش يا جوي
دينا : خدينى معاكى لحسن ان معيش عربيه
نقولك بيباى يا حببتى
( تخرج دينا وزيزى )
( حوار بين جوى وبيسو )
جوى : بقى كده يا سعيد – تاخد فلوس البيت ومن ورايا – دى تحويشة العمر – ومن غير متقول لى
بيسو : اصلى انت كرسى فى البيت _- -- امال هو كان بيدخل المكتب من سكات ليه
جوى : كان بيمثل عليا – عامل زعلان – انا لازم اعرف تفاصيل الموضوع ده – انا مش هسكت
بيسو : ايوه متسكتيش هى دى فلوسه لوحده
جوى : لا دى فلوس بيته واولاده –دى فلوسنا – ده حتى الزراير الدهب ودبوس الكرافته – هديتى ليه مش موجودين
بيسو : اصلك مش غاليه عنده – قومى – لمى هدومك لمى هدومك –سبيله البيت سبيله البيت
جوى : ايوه –انا لازم اسيبله البيت – انا داخله الم هدومى – انا سيباه لوحده يخبط دماغه فى الحيط
بيسو : ادبيه خليه يعرف قيمتك
جوى : اسيب البيت – لا –ان مش ممكن اسيبه ده بيتى ان كونته طوبه طوبه
بيسو : سيبى البيت سيبى البيت
جوى : ( صراع ) ايوه –لا لا – دنا كده بخرب بيتى – لا مش حسيبه
بيسو : سبيه جوى : لا بيسو :سبيه لالا لا سبيييييييييييييييييييييييييييي يييييييييييه
جوى : يا رب ارحمنى انا بنتك – ابعد الفكار دى عنى
بيسو : ايه اللى بتعمليه ده كده غلط خليكى معايا
جوى : يارب يسوع ارحمنى يا رب اسرع واعنى
بيسو ايه اللى فكرك بيه دلوقتى -- -- انا سايبك مقدرش اسمع اسمه – انا رايح لجوزك وححاول معاه انا بيسو الى مش ممكن يفشل انا بيسووووووووووووووووووووووووووو وووووووو
انتهى الفصل الثانى[/size][/b]

_________________
[b]لا تبحثوا عنه بعيداً فقد ولد بيننا [/b]
https://i.servimg.com/u/f86/13/66/53/74/mary3110.gif[img][/img][url]
الرجوع الى أعلى الصفحة اذهب الى الأسفل
http://michael2011.ahlamontada.com
المدير العام
Admin
Admin
avatar

عدد الرسائل : 965
العمر : 31
المزاج : نشكر الله
نقاط : 1644
تاريخ التسجيل : 10/03/2009

مُساهمةموضوع: الفصل الثالث   الخميس أبريل 23, 2009 4:34 am

[b][size=24]الفصل الثالث l " من مسرحية مع من اجد السعادة
(منزل سعيد يدخل سعيد وواضح عليه مظاهر التعب والارهاق )
سعيد : هانت – هانت يا سعيد كلها يومين بالكتير والنتيجه تظهر – والامور ترجع لطبيعتها – ياه ده الواحد اعصابه تعبانه قوى
( تدخل جوى ) جوى : انت جيت يا سعيد – ممكن اسال انت كنت فين
سعيد : ابلدا نزلت اشم شوية هواء
جوي : اسكت – مش زيزى صحبتى كانت هنا النهارده – وشافت لى الفنجان
سعيد : فنجان ايه وتخاريف ايه
جوى : لا لا –اتضح انها شطانه فى قراية الفنجان – قالتلى ال –اننا داخلين مشروع مراجيح – تصدق الكلام ده
سعيد : (يقوم من على كرسيه ) مراجيح مراجيح ايه –اصل---------
جوى : انت سحبت الفلوس كلها اللى فى البنك – الزراير الدهب والدبوس راحوا فين ---- ان زعلانه منك -- ومن النهارده مفيش كلام بنا
سعيد ك شوفى انا تعبت – انا حجيبها من الاخر – اولا --- انا مش عايزك تصدقى او تعتقدى فى كلام الشطانه زيزى—ده الكتاب امقدس بيقول – ان الذى يسال عرافه ( يعنى اللى بتشوف الفنجان ) مكوه امام الرب
تانى حاجه : ان كنت هعملهالك مفاجئه – ده مشروع هنكسب منه نص مليون جنيه –وانا هبقى الاستشارى المسؤل عن المشروع --- ان عايز اسعدك – لو ربنا خدمنا حخليكى ملمه
( صوت بيسو –انت كمان رجعت وتقول ربنا )
جوى : انا دلوقت – عرفت انت كنت متنرفز ليه
سعيد : يوم عيد جوازنا – انا كنت راكب العربيه –وبفكر ده اول عيد جواز يمر علينا وانا معيش فلوس اجيب هديه --- سرحت والشيطان لعب بمخى – لغاية ما خبط العربيه وعملت حادثه
جوى : فداك ميت عربيه – تعالى نوضب السفره علشان العزومه – وبعدها ندخل نصلى لربنا –وانا عندى احساس ان تصميمك حينجح
سعيد : يلا بينا ( يهموا بالخروج ولكن لا يخرجوا لان هناك جرس الباب )
سعيد : مين –
جوى : ان حفتح
( تذهب لتفتح يدخل بيسوا رجل اعمال ومعه شنطه )
بيسو : المهندس سعيد موجود
جوى : سعيد تعالى كلم
سعيد اهلا وسهلا – مين حضرتك
بيسو : ( يدخل ويجلس واضعا رجل على رجل وبكبرياء ) – انا بيسو بك – عضو لجنة تقيم التصميمات للمدينه الترفيهيه – وصاحب كلمه كبيره وليا تاثير على باقى اعضاء اللجنه فى اختيار التصيم المناسب
سعيد : اهلا وسهلا – انت مشرفنا هيا النتيجه ظهرت
بيسو : اعتبرها ظهرت
سعيد : انت جاى تهننينى -- ايه تصميمى نجح مش كده – فاز بالجايزه الاولى
بيسو : تصميمكح ده اى كلام – ما يعملوش مهندس فى مصلحة المجارى –ريحته وحشه
سعيد : ان فهمت تصميمى فشل
بيسو : مع بيسو محدش يعرف الفشل – بيسو يخلى المقلوب معدول وامعدول مقلوب ÷أ ها هاى
سعيد : ان مش فاهم – انت بتقول ايه وعايز ايه
بيسو : انا هقول لك – ان –ان بيسو بك –مستعد انجحلك تصميمك – وتاخد الجايزه – وتبقى استشارى المشروع
سعيد : وده مقابل ايه
بيسو : الكلمه الولى والاخيره حتبقى ليك – ونظير انى انجحك – نعمل اتفاق – ان كل المناقصات اللى فى المشروع ترسيها على – شركة شوشو للمقاولات – دى شركة ابن اختى – وبرضه مش هننساك فى العمولات واللذى منه –ايه اتفقنا
سعيد : انت شايف الباب ده -- - من غير ما اطلع شياطينى عليك –قوم اخرج من هنا حالا – واوعى – تورينا وشك
بيسو : ها – ها – هاى – شياطينك – انت اساسا معندكش شياطين – بكره تندم على عملتك السوده دى معايا
(يخرج بيسوا –انت حتندم حتندم )
جوى : ولا يهمك يا حبيبى – ما تنرفزش نفسك – ده صوت من كام صوت فى اللجنه
سعيد : اللجنه 8 اصوات
جوى : خليها على ربنا – فين الموبايل -- اتصل وشوف ايه اللى حصل
( يمسك الموبايل )
سععيد : الو – انا المهندس سعيد – كنت عايز اطمن – ايه اخبار التصميم --- ايه بتقول ايه – طيب شكرا
( يخلس سعيد وهو مزهول )
جوى : ايه – وقعت قلبى – ساكت ليه
سعيد : اكيد بيسو بيه هو السبب –ايوه هو السبب
جوى : احتمال – كنا متوقعين اننا نخسر – ايه المشكله
سعيد : ايه المشكله – خسرنا كل حاجه ببساطه – الفلوس – والدهب –والوقت – وان خسرت ثقتى بنفسى –شكلى ايه قدام الناس
جوى : سيبك من فيلم اوسين ده – انا الوحيده اللى عارفه موضوع التصميم ده – تفتكر صورتك هتتهز قدامى
سعيد : مش وقت هزار ده – متزوديش احساسى بالذنب – ان انا ضعت خلاص
جوى : فداك فلوس الدنيا كلها – يا ريت كل الخساير فلوس – تخيل كده انك نجحت ومعاك فلوس كتير وحصلتلك حاجه – حتعمل ايه بالفلوس واحنا حنعمل ايه من غيرك
سعيد : سامحنى يا رب – عندك حق
جوى ك الحياه من غيرك حتبقى صعبه – ربنا يخليك ليا
سعيد : يبتسم ) – ايوه فيلم فيلم
جوى : يالا بسرعه نوضب للعزومه حماتى زمانها جايه – اغسل وشك واضحك ولا يهمك ربنا موجود
مشهد الثانى
المشهد الثانى
( نفس المكان ويدخل سعيد وجوى )
سعيد : متشكر- يا حببتى – شفتى العزومه مشيت حلو ازاى
جوى : حمايا مسك الديك الرومى وماسبهوش الا هيكل عظمى – ولا حماتى – ال ايه عامله رجيم – اكلت الرز بالخلطه كله –وما سابتش ولا رزايا –وبعد كده ادورت على صينية الكوسه بالبشامل – وانت تقول لها –يا ماما كلى – ترد عليك وتقولك معرفش مليش نفس للاكل اليومين دول
( يضحك سعيد ويرن جس الموبايل الخاص به )
سعيد : الو – ايوه انا المهندس سعيد --= ايه – معقول - طبعا طبعا – الساعه سته – فى الميعاد تمام – متشكر متشكر جدا جدا
جوى : مين ده اللى بتشكه بحراره كده – وايه المواعيد ايه ومضوع الساعه سته
سعيد : جوى – ان ان انا – مش مصدق نفسى – ياه اد ايه يا رب انت حلو كتير
جوى : مالك – فيه ايه
سعيد : المشروع اللى انا صممته
جوى : بلاش – اللـه يخليك – بلاش نتكلم فى الموضوع ده تانى
سعيد : ده – هو اللى كلمنى
جوى : مين بيسو
سعيد : بيسو مين __ شوفى – نظرا لضخامة المشروع اخذوا افضل شلاش تصميمات – وطلع تصميمى نمره تلاته –وحينفز منه المرحاه الاولى – بس بس
جوى : بس ايه تانى
سعيد : المكافئه ربع مليون
--ومش حكون استشارى المشروع
جوى : انت متشكرش ربنا ابدا – كنا فين من شويه – مش كنت بتكلم نفسك
سعيد : ان – انا بحب ربنا جدا – انت مش فاهمه حاجه
جوى : فهمنى وفرحنى معاك
سعيد : طبعا – يا وش الخير – انا مش همسك استشارى المشروع لكن عينونى فى الشركه – المدير التنفيزى للمشروع – والساعه سته همضى العقد –اشكرك اشكرك يل رب
جوى : شفت اد ايه ربنا حنين علينا
سعيد : قال بيسو قال – يعدل المقلوب –ويقلب العدل -- مع ربنا الغير مستطاع عند الناس مستطاع عنده
جوى : مع ربنا – الفرح والسعاده – اسمع انا مش هتنازل عن عربيه جديده – والخاتم
سعيد : طبعا هدية عيد جوزنا – مش ممكن انساها
جوى تعال نشكر ربنا
( يقف الاثتين ووجههم ناحية صورة الرب يسوع المعلقه على الحائط امام الجمهور ) ( يدخل بيسو )
بيسو : كده برضوا – هزمتونى – انتم فيكم ايه احسن من غيركم –انا تعبت معاكم كتير --= وفشلت – ليه ليه كده – لاااااااااااا – بيسو ميعرفش الفشل ابدا
( صوت الرب يسوع – مع تركيز الاضاءه على الصوره )
دول ولادى –والبيت ده بيتى –انا سمحتلك تجربهم – حاولت تبعدهم عنى – عملت حادثة العربيه علشان تخرب البيت ومعرفتش – حاولت تعكنن عليهم بموضوع العزومه وفشلت – حاولت توقع بينهم بمساعدينك والفنجان وفشلت –حاولت تخليه ياخد رشوه ويمشى فى الطريق الغلط وفشلت – اخدت فرحتهم منهم لكن فى وسط مشاكلهم ننسيونسش –طلبونى فاستجبتلهم --- هما فرحنين مش بس علشان المشروع لكن الاهم فرحنين بيا
اوعى تقرب منهم تانى – اخرج من البيت ده – انت ملكش مكان فيه اخرج – اخرج
بيسو : انا خارج حاضر خارج – بس لو بعدوا عنك – حرجعلهم تانى—بيسو ميتغلبش بسهوله ما يتغلبش بشهوله
انتهت
اذكرونى فى صلواتكم[/size][/b]

_________________
[b]لا تبحثوا عنه بعيداً فقد ولد بيننا [/b]
https://i.servimg.com/u/f86/13/66/53/74/mary3110.gif[img][/img][url]
الرجوع الى أعلى الصفحة اذهب الى الأسفل
http://michael2011.ahlamontada.com
 
نص مسرحية مع من اجد السعادة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سماء الروح :: منتدى المسرح الكنسى-
انتقل الى: