لحد متى؟؟؟؟؟؟

[size=18]ربي انا بكرة هابتدي معاك بس هانام دلوقتي بكرة خلاص وعد


وجت العصافير الصبح وصحيت،ربي انا هاروح اغسل وشي وافطر وهاجي علشان ابتدي معاك
وبعد مافطرت جيت ابتدي معاه لقيت التليفون بيرن طيب هاروح ارد خمسة كدا وجاي علشان ابتدي معاك اوعي تمشي يارب انا جاي علشان ابتدي معاك،وروحت رديت وطلع صاحبي اللي من زمان متكلمناش وقعدت اتكلم واتكلم ونسيت اني اديت ميعاد لواحد،المهم خلصت التليفون ورايح لصورة ربي علشان ابتدي معاه يووووووووووووووووووووووووه الباب بيخبط ثواني ياربي هاشوف مين وجاي علي طول،لقيته جارنا كان عايز مساعدة قولت اروح اساعده استناني ياربي وبعد حوالي ساعة جيت0
وقولت بقي اروح علشان ابتدي مع ربي وقولت يووووووووه انا محلقتش ذقني طيب هايقولوا عليا ايه سايب ذقني كدا ليه بس ،قولت طيب خلاص هاروح كدا خمسة وجاي ،وبعد ماحلقت ذقني وافتكرت ان عندي ميعاد لخدمة في الكنيسة ،وانا رايح الخدمة لقيت الموبايل بيرن الو مين اه ازيك عامل ايه مالك مضايق ليه طيب خلاص خلاص هاشوفك بعد الخدمة بس مش عايز تضايق نفسك خالص ،وقابلته واتكلمت معاه وخليته مش زعلان ،وبعد مااليوم ماخلص وروحت علي البيت ولسه هاروح علشان ابص علي صورة ربي علشان اقوله معلش ياربي معلش انا تعبت انهردة خالص ولقيت دموعه نازلة بكل حرقة حرقة جامدة بجد0

ساعتها بقي قعدت مع نفسي وقولت انا ازاي ادي ميعاد لربي ومروحتش فيه ده انا روحت لصاحبي جري 0
مع ان لو الموقف ده حصل فيا هابقي مضايق اوي ولو حد اهملني لمجرد طلبت منه طلب هابقي قاعد زعلان طيب ليه انا رضيت بالموقف ده مع ربي حبيبي اللي في ضيقاتي بلقيه اول واحد واقف جنبي 0

اكيد الموقف بتاعنا ده محتاج تغيير كتير
متخليش العالم هو اللي يسكن فيك خليك انت ساكن في العالم
سيب قلبك يسكنه يسوع مش العالم
في الاخر بجد بجد انا اسف اوي ياربي لاني كنت بدق المسمار في ايدك وبجلدك مع الجندي ولما كنت ببص علي المشهد ده بقول ازاي الانسان ده يقدر يعمل كدا وطلعت انا بعمل اكتر منه
اسف ياربي




لحد امتي هانفضل نخلي ربنا في الاخر مع ان ربنا لازم يكون في الاول دايما؟[/size]